Puisi Bahasa Sumbawa Oleh Indra Karsyah (Koordinator Bidang Sejarah Komunitas Sastra Sumbawa – Panre Satera)

DEA GURU

Parajum : Indra Karsyah

Sio batariti tarites lulir mata

Kasema nuntang jamperin

Umer kasoso turet palangan telas

Konang karoa rapaboat aji masi kasenar

Dea guru baeng pangeto kalanis

Tonang ate manra intan

Raboat aji saturen pangeto

Bentan tau junyung ko tingi

Langan ima senap dea guru

Seli ode dadi puen rea

Ereng ya sanadi tiu dalap

Satelit tau jangka kona mega pitu

Parenti dea guru genras tu kango

Dadi pajenang leng tenga ungkap badiup

Ngalilong kasulu saser gili

Ya sanadi ebar kabalong leng tu peno

Lempeh, 2024